نه از چُخرا نه از خواهش موشه دل
نه خَنشی ای رقم سازش موشه دل
دَ غمشی ماندَ یُوم منطق نفامه
نه پُرته موشه نه آلِش موشه دل
علی بیانی
۱۶؍۱۲؍۱۳۹۹
زِمِستونه ای راهی یَکَّه چیره
دو کوتل در میانه تا خِدیره
نه کس رفت و نه کس آمد خدا جان
نه کس آوورد اَوال بی نظیره
علی بیانی
۲۴؍۱۲؍۱۳۹۹
نه آجُرَه نه سَنگَه پُشتَکی مَه
ولی خیلی گِیرَنگَه پُشتَکی مَه
پُر از زخمه، پُر از زخمه، پُر از زخم...
غمه، حاصل جَنگَه پُشتَکی مَه
علی بیانی
۲؍۱؍۱۴۰۰
زمین دان ِ گیرو زیر کِشته
عزیزه لب جوی تانیخو شِشته
دَ روی دفتر درس ریاضی...
اَلَی٘ من دوستت دارم نوشته
علی بیانی
۵؍۱؍۱۴۰۰
دَ سرشی چادر اَرگَند ایشیل
موره تانی خویه رایشی کج و کیل
دَ نیمره توغ مونه میخنده در مه
که سرگردو می گردوم از رَد دیل
علی بیانی
۲۹؍۱؍۱۴۰۰
به لهجه هزارگی
عجب پیچ و خمه تالِه هزاره
همه خوشاله از نالِه هزاره
نمک پاش موکونه هر کس دَ نوبت
بلی زخم دو صد سالِه هزاره
علی بیانی
۱۴۰۰/۲/۳۰
۱۴۰۰/۲/۳۰
هیچ نظری موجود نیست:
ارسال یک نظر